Archive for ઓક્ટોબર 31, 2008

“વાદળ અને વર્ષા”

 

    વાદળ અને વર્ષા

નભમાં શાને થાય વાદળ કાળાં!

શાને વર્ષે છે પાણી !

સૂરજે ધોળે દિ ચોરી રે કીધી

આપે છે એની એંધાણી.

 

બાષ્પ કરી એણે પાણી ઉપાડયું

માન્યું ,નહીં જાય વાત કોઇ જાણી,

વળી છૂપવવા એ ચોરેલું પાણી,

એણે કાળી ચાદર, વાદળની તાણી.

 

પણ મેઘધનુષ તણાયું જયાં નભમાં

સાતે રંગમાં ચમકયું એ પાણી,

ફાળ પડી સૂરજને હૈયામાં કે

જશે વાત બધાં હવે જાણી.

 

જો હું નહીં આપું પાણી પાછું

તો થશે મારી બદનામી,

એમ વિચારી એણે નીચોવ્યાં એ વાદળ

‘ને વરસાવી દીધું બધું પાણી.

 

વર્ષી ગઇ વર્ષા ,‘ને વિખરાયાં વાદળ

ભરી કૂવા તળાવમાં પાણી

સૂરજની એ ચોરી ,ભૂતળને ભાવી,

રાજી રાજી થયાં સહુ પ્રાણી.

 

ભેગાં મળી સહુ વિનવે સૂરજને

સદા દેતાં રહેજો આમ પાણી.

તે દિથી નભમાં થાય વાદળ કાળાં

‘ને વર્ષે સદા તેમાંથી પાણી.

ઓક્ટોબર 31, 2008 at 9:04 પી એમ(pm) Leave a comment


તાજેતરની ટિપ્પણીઓ

પટેલ સતિષભાઈ પર “પાતંજલ યોગસૂત્ર”
sagar પર સુખનું ત્રાજવું
mayuri25 પર બુદ્ધિનો બંધ
riya પર બુદ્ધિનો બંધ
mayuri25 પર બુદ્ધિનો બંધ

સંગ્રહ

ઓક્ટોબર 2008
સોમ મંગળ બુધ ગુરુ F શનિ રવિ
 12345
6789101112
13141516171819
20212223242526
2728293031  

Blog Stats

  • 35,293 hits