” શૂન્ય અને અનંત”

 શૂન્ય અને અનંત

શૂન્ય અને અનંતમાં ફેર નથી કશો,

શૂન્યના વ્યાપને જ અનંત જાણો.

શૂન્યના વ્યાપમાં વ્યાપ્ત આ સૃષ્ટિ છે

સમજી એ વાત આ સૃષ્ટિ માણો .

 

અણુ અણુ માહીં આ શૂનયનો વાસ છે,

’ને વસે આ શૂન્યમાં સૃષ્ટિ સારી.

શૂન્યનો આ વ્યાપ જ નેતિ નેતિ બ્રહ્મ છે

એમ કહી રહી સદા વેદ વાણી.

 

જો હોય ના અનંત, વ્યાપ આ શૂન્યનો,

તો કહો કયાં જઇ વસતે આ સૃષ્ટિ સારી.

જો ઉમટે ના વાદળ કદી આકાશમાં

તો કહો કેમ કરી વરસે નભથી પાણી.

 

સદાખાલી ખાલી લાગે આ શૂન્ય જે

તે તો જાણજો છે અતિ શકિતશાળી.

કોટી કોટી બ્રહ્માન્ડ ધારતું ઉદરમાં

આ અનંત શૂન્ય જ છે સર્વવ્યાપી.