” અનંતના ગર્ભમાં ‘
March 23, 2007
” અનંતના ગર્ભમાં ‘
કેમ કરી અનંતને આંબુ ઓ ભાઇ મારા
કહો કેમ કરી અનંતને આંબુ.
અનંતને આંબવા જોઇએ જીવન જેવડું
ન હોય તે કદી એવડું લાબું.
તો કહો કેમ કરી અનંત ને આંબુ !
બ્રહ્માન્ડતો અંડ છે જુઓ પેલા એ બ્રહ્મનું
જે અનંતના ગરભમાં સમાણું.
વળી બ્રહ્મના એ અંડમાં પંડ છે આ મારૂં
અણુથી પણ છે સાવ તે નાનું.
તો કહો કેમ કરી અનંત ને આંબુ!
નાના આ પંડથી ન તૂટે કોચલું એ અંડનું
‘ને ન નીકળે બહાર શીશ મારૂં
જો નીકળે ન શીશ તો આ પંડ કેમ નીકળે
‘ને કેમ કરી બહાર મારે જાવું.
તો કહો કેમ કરી અનંત ને આંબુ!
કેન્દ્ર વિહોણો આ ગોળો અનંતનો
તો એની ત્રીજયા હંુ કેમ કરી માપું.
કયા ગણિતથી મારે કરવી ગણતરી
બધુંય ગણિત પડે ત્યાંતો ટાંચું.
તો કહો કેમ કરી અનંત ને આંબુ!
૯-૧૯-૦૨
Entry Filed under: કવિતા. .
1 Comment Add your own
Leave a Comment
Some HTML allowed:
<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>
Trackback this post | Subscribe to the comments via RSS Feed
1.
વિશ્વદીપ બારડ | March 28, 2007 at 12:17 pm
વાહ , ગીરિશભાઈ, વાંચવાની મજા પડી ગઈ!!!
બધુંય ગણિત પડે ત્યાંતો ટાંચું.
તો કહો કેમ કરી અનંત ને આંબુ!..અનંત ને આંબવા આ માનવી તણખલું પકડી ઘુમ્યા કરે,શું કરે!ક્યાં કોઈ આરો કે કિનારો !!
વિશ્વદીપ બારડ.. હ્યુઅસ્ટ્ન
http://www.vishwadeep.wordpress.com